موضوع: الحلقه الاولى من مغامرات ( شاب طايش ) الأحد مايو 22, 2011 5:12 pm
عندى احساس شديد انى عايز معجزه او مفاجاه كويسه كده وبنت ناس علشان تخرجنى من الحاله النفسيه الى فى الحضيض الى انا فيها فاجاه رن الموبايل برقم مجهول فكرت : ارد ولا لا تفكيرى ان الرد دا اساسا زى القمار لو رديت ممكن المكالمه دى ترفع معنوياتى او اخسر ما تبقى من اعصابى والروح المعنويه وروح الفريق والكلام دا كله والارجح انى هاخسر هاخسر انا عارف حظى امرى لله : الو صوت انثوى شرس : ما بتردش ليه يا حنفى .... انا : حنفى مين ؟ الرقم : انت هاتستهبل يا روح امك ...... انا :احترمى نفسك يا وليه ؟ ( همهمات واصوات وقله ادب تمنعنى اخلاقى من ذكرها . قفلت الخط رقم تانى بيرن بعد 5 دقايق ويرد نفس الصوت بس مصطنع الرقه الرقم : الو ازيك يا ميمى اخص عليك يا وحش .. انا : ميمى مين ؟ الرقم : انت مش فاكرنى انا .... ( اصوات مخله بالاداب مستحيل اقولها علشان الرقابه متزعلش مننا ) اقفل الخط
يرن رقم تالت ونفس الصوت بيصطنع الظرف : الرقم : الو ازيك يا مودى ... انا : مودى مين ؟ الرقم : كمان مش عارفنى مش عيب تلطعنى امبارح 3 ساعات فى ميدان الساعه ومتجيش اغلق الخط
يرن رقم رابع نفس الصوت يا ربى ارحمنا الصوت : الو بقولك ايه ماتقفلش السكه مين حضرتك ؟ انا : مش مهم الصوت : امال ايه المهم انا اخت رقمك من على الفيس بوك وكونت بتقول انك عايز واحده تسليك .... انا : ماحصلش ... الصوت : طب بص يا ( اخه ) انا عندى كل اللى انت عاوزه تحب ابعت لك صورى الخليعه على الايميل ولا تقابلنى بنفسك وتعاين البضاعه على الطبيعه وكل الى نفسك فيه هاتلقيه والقعده معايا اخر ( جمال ) واخر ( سرور ) وعندى حشيش ماركه يا عينى على ( العز ) ما تفهمنيش غلط انا غرضى ( شريف ) وحاسه انك ( حبيب ) و ( غالى ) ووشك ( مبارك ) على اللى يشوفك تحب تيجى تتفرج على الفساد بتاعى ولا اجى لك انا ؟؟ انا : يخرب بيتك انتى اسمك ايه ؟؟ الصوت : ( حك حك كومه ) هاها يعنى حكومه واسم الدلع ( فلول ) ..... انا : طب غورى جتك داهيه فكرتينى بناس مش قادر افتكر اساميها دلوقتى ....................
موضوع: الحلقه الاولى من مغامرات ( شاب طايش ) 
