السؤال الذي يضايقك ولاتحبش واحد أنه يسألك عنه
كل منا له ..أسراره الشخصية..و خصوصياته التى..لايحب أن يطلع عليها أحد وكلام تانى كتييير
يحتفظ فيها داخل صندوق خاص وثمين.. صندوق النفس ويخبي مفتاحه عن الكل ..ويأتي البعض ويحاول سرقة المفتاح..أوكسر الصندوق والتطفل على محتوياته الخاصة,,
فما السؤال الذي يضايقك ولاتحب أحدا أن يسألك عنه؟؟
وهنا نذكر لكم مجموعه من الامثله التى تحدث يوميا .. وبتحرق الدم كماان
1- بتفكر فى ايه ؟؟
وانت مالك انت .. افكر فى اللى بفكر فيه .. مهو اكييد لو عايز اقولك مكنتش هقعد سرحان وافكر لوحدى .. مش من حقك اصلا انك تسالنى وتعرضنى لضغط انى ادورلك على اجابه مناسبه
2- انتا هتنام ؟؟ الكلام ده وانا نايم على السرير ومتغطي ومغمض عنيا كمان
مش فاهم بصراحه ؟؟ تفتكر برقص باليه مثلا ؟ اكيد هنام اه .. بس ازاى متسالش منت انسان لامؤاخذه حشرى
3- بعد ما لتلفون يرن وارد واقفل .. ييجى واحد ظريف يقولك .. كان فى حد عاوزنى ؟؟
مهو برضو اكيد انا مش هعمل فيك مقلب و اقوله انك مش موجود واقفل .. واكيد التلفون مكنش ليك وانا خطفت اللى بيكلمك وخدت المكالمه بدالك
4- تبقى مكتئب وعنيك مدمعه ومش عايز تكلم حد .. وييجى واحد يسالك انت بتعيط ؟؟؟؟
والله ؟ لا مش بعيطك دى بس عنيا بايظه اليومين دول .. فى اصول للحاجات دى .. اولا تسيب اللى بيعيط .. يبطل عياط او تحاول تدخله فى اى موضوع ينسيه شويه هو بيعيط من ايه .. انما مش تروحله وتقوله انت فضيحتك باينه قدام الناس وكلنا شايفين انك بتعيط .. وبنتاكد منك كمان
ابقى اصبر على اللى بيعيط ده شويه .. هو لو عاوز يحكيلك هيجيلك يحكى .. ولو بيحتاج يتنكش شويه قبل ما يحكى .. برضو استنى لما يهدا .. انما متجبروش يحكيلك وهو متضايق
5- لما حد رخم اوى وده رايك فيه .. ييجى ويسالك . انت ايه رايك فيا
؟؟؟
نو كومنت
6- لما الزوج بيرجع متاخر شويه .. ويلاقى مراته مستنياه بمحضر تحقيق على الباب كنت فيييييين .. ومع ميييييين .. والانكار مش هيفيدك .. والرصه اللى كل الزوجات عارفاها دى
7- لما بابا ييجى ويسالك كنت بتكلم خطيبتك فى التلفون بتقول ايه ؟؟ او هو قالتلك ايه ؟
ودى حصلت معايا كتير جدا .. بس كان بيبقى سؤال يعفرت .. حتى لو كنت مكنتش بتقول كلام حب .. حتى لو كنتو بتتخانقو فى التلفون مثلا ولسه مطلعين عين بعض .. مينفعش تروح تسال حد كان بيقول ايه لخطيبه ولا لخطيبته !!! عيييييييب
موضوع: اسئله مزعجه من ابن عجب !!!!!!!!!!!! 
